Ghalib

Few of my fav Ghalib couplets:

Ragon mein daudte phirne ke hum nahi Qaayal, Jab aankh hi se naa tapkaa to phir lahoo kyaa hai
–
Chipak raha hai badan par lahoo se pairaahan hamaare jeb ko ab haajat-e-rafoo kya hai
–
aah ko chaahiye ik ‘umr asar hone tak, kaun jeeta hai teree zulf ke sar hone tak ?
–
ishq mujhko nahi, wehshat hi sahi, meri wehshat, teri shohrat hi sah
–
hazaaron khwahishain aisee ke har khwahish pe dam nikle, bohot nikle mere armaan lekin fir bhi kam nikle
–
kahaan maikhaane ka darwaaza ‘Ghalib’ aur kahaan waaiz, par itana jaante hain kal wo jaata tha ke ham nikle
–
ye na thi hamaari qismat ke wisaal-e-yaar hota, agar aur jeete rehte yahi intezaar hota
–
dil-e-naadaan tujhe huaa kya hai ? aakhir is dard ki dawa kya hai, hamko unse wafa ki hai ummeed, jo nahi jaante wafa kya hai
–
unke dekhe se jo aa jaati hai mooh par raunaq, wo samajhte hain ke beemaar ka haal achcha hai
–
humko maaloom hai jannat ki haqeeqat lekin, dil ko khush rakhne ko ‘ghalib’ ye khayaal achcha hai
–
hui muddat ke ‘ghalib’ mar gaya par yaad aata hai, wo har ek baat pe kehana, ke yoon hota toh kya hota?
–